Нашата приказна започнува во 1995 година, како една од првите приватни печатници во регионот. Тргнувајќи од тие скромни почетоци, во овие 30 години постојано го усовршуваме и надополнуваме производствениот процес и успешно се движиме напред низ матните води на македонското печатарство, со јасна слика и цел: КВАЛИТЕТЕН ПРОИЗВОД и ЗАДОВОЛНИ КЛИЕНТИ. Нашата мисија е едноставна - се стремиме да ги следиме современите светски новитети во областа на печатарството, истовремено подобрувајќи ја услугата и крајниот производ за нашите клиенти.

Нашето мото е - НИШТО НЕ Е НЕВОЗМОЖНО! Нудиме комплетно графичко решение за вашите потреби - од осмислување на изгледот на вашиот производ, техничко уредување и подготовка за печат - до готов производ. Производствениот процес се одвива на сопствен објект од 2.500 метри квадратни, со тим од 50 искусни професионалци.

Техниката на печатење е офсет и дигитална. Материјалите на кои се печати се разновидни. Дури и малите тиражи повеќе не се проблем - за клиентите со мали тиражи отворивме дигитален сектор. Како општествено одговорна фирма, Датапонс се залага за што помал јаглероден отпечаток и превзема конкретни мерки за тоа. Сета отпадна хартија што се јавува во производниот процес, се складира и се носи на рециклирање. Алуминиумските плочи што се користат како дел од производството исто така се превземаат и се преработуваат. Печатницата има инвестирано во фотоволтаична централа на самиот објект за производство на електрична енергија од обновливи извори (сончеви).

Освен што држи значителен дел од македонскиот пазар, Датапонс е и извозно-ориентирана компанија, со клиенти и соработници во регионот (Косово, Албанија, Србија, Словевенија), како и Холандија и Австрија. Иднината ја гледаме во проширување на соработката со останати европски земји. Ќе продолжиме да се усовршуваме и да ги слушаме потребите на клиентите.

Заедно чекориме напред!